कोभिडको महामारीको समयमा नायक पल शाहले सामाजिक सेवामा आफूलाई सक्रिय बनाए । जसकाकारण, उनलाई ‘रियल हिरो’ भन्न थालिएको छ । नायक शाहलाई उनका फ्यान, चलचित्रकर्मीहरु पनि ‘रियल हिरो’ मान्छन् ।
चलचित्र क्षेत्रमा पल शाहको सामाजिक कामबाट प्रभावित हुनेहरु पनि छन् । यही सूचीमा पर्छिन् नायिका मलिका महत ।
नायक शाहसँग ४ वटा म्यूजिक भिडियोमा काम गरेर चम्किएकी मलिका महत आफूलाई दर्शकले ‘रियल हिरोइन’ भनेर चिनेको खण्डमा यो आफ्ना लागि ठूलो उपलब्धी हुने बताउँछिन् । मलिका भन्छिन्–‘पल शाहको कामबाट म प्रभावित छु । उहाँलाई दिइएको सम्मान एकदमै ठिक छ । म पनि सामाजिक काम सुरु गर्ने सोचमा छु । कुनै दिन दर्शकले मलाई ‘रियल हिरोइन’ भनेर चिन्नु भयो भने मेरो लागि त्यो खुशीको पल हुनेछ ।’
