Friday, July 12, 2024

नीरज साहके बिना ढेउवाके अभियानमे दियालो क्लबके सहयोग

[sharethis-inline-buttons]

पछिल्लाे समाचार

475741551720673212

884940071720587136

831087411720500084

127471231720413473

455419561720327013

रौतहट ।। रौतहट जिल्लाके सदरमुकाम गौर स्थित राइम मिलमे करिब दुइ दशकसे निरन्तर रुपमे बालबालिकाके पढावइत आएल नीरज साहके अभियानमे दियालो युवा क्लब सहयोग कएले हए ।
शिक्षा पेशासे आवद्ध भेल गरिब,असाहय परिवारके बालबच्चाके बिना ढेउवाके पठन पाठन करावइत आएल साहके काममे दियालो क्लब शैक्षिक सामग्री सहयोग करके थप उर्जा आ हौशाला प्रदान कएले हए ।
दलित,गरिब,असहाय परिवारके १५० जना बालबच्चाके पढेके लेल शैक्षिक सामग्री प्रदान कएले क्लबके अध्यक्ष विक्रम यादव बतएले छत । शनिचरके आयोजित एक कार्यक्रम बिच क्लवके अध्यक्ष यादव शिक्षक नीरज साहके उक्त शैक्षिक सामग्री हस्तांतरण कएले छत ।
कार्यक्रममे सम्बोधन करइत आधारभूत विद्यालयके बाल मन्दिरके प्राध्यानाध्यापक गेणश प्रसाद यदाव निशुल्क शिक्षा प्रदान करके साह बहुत बढिया काम कएले कहइत सराहना कएले छत । शिक्षा दान महादान हए प्रध्यानाध्यापक यादव कहलन अइसन काम सब न करसकइत हए ऐमे सबके सहयोग भेल जरुरी हए ।
आधारभूत विद्यालयमे गरीब,असहाय,विपन्न आ टूहुरा बाल बच्चाके निशुल्क रुपमे नामांकन करेके प्रतिवद्धता व्यक्त कएलन ।
नेपाल पत्रकार महासंघ रौतहट शाखाके सभापति प्रेमचन्द्र झा शिक्षक नीरज साहके इ अभियानमे सहयोग करेके धारना राखलन । हुन राइस मिलके भवनके बरन्दामे विगत २३ वर्षसे अपन निजी स्रोतसे बालबालिकाके पढावल बडा योगदान भेल उल्लेख कएलन ।
ट्युसन पढावे वाला बालबच्चाके स्थानीय सरकार आ निर्वाचित जनप्रतिनिधिसब बइठेवाला व्यवस्थाके साथे शैक्षिक सामग्री समय समयमे सहयोग करेके बतएलन । अध्यक्ष झा अपन तर्फसे सहयोग करेके बचन समेत देलन ।
नेपाल पत्रकार महासंघके पूर्व अध्यक्ष रविन्द्र प्रसाद साह अइसन काम करेवालाके और प्रोत्साहन करेमे जोड देलन । जनता समाजवादी पार्टी नेपालके वर्गीय संगठन समाजवादी मध्यसे कुछ बालबच्चाके अपन तर्फसे सामुदायिक विद्यालय चाहि निजी विद्यालयमे पढावेके प्रतिद्धता जनऐलन । बहुत दिनसे बालबच्चाके निशुल्क रुपम पढावइत आएल नीरज साह बालबच्चाके भविष्यके कर्णधार भेलासे अपन रुची इ क्षेत्रमे जादा रहल बतएलन ।
हुन विद्यालयके जाएके क्षमता नभेल चाहि पढावेमे सामर्थ नभेल गरीब परिवारके बालबच्चाके शिक्षा देके भविष्य सुधारेके छोट प्रयास कर रहल जिकिर कएलन ।
ठन्डा आ वर्षके समयमे बालबच्चाके पढावेमे समस्या उत्पन्न होखले । दलित,गरीब परिवारके जादा बालबच्चा रहलासे लगावेवाला कपडा ,जुत्ता,बैग के आवश्यकता हए ।
गौरके शिक्षाके आगे बढावेमे साहके भूमिका रहल गौर नगरपालिकासे बालबच्चाके बइठके पढेके लेल व्यवस्था मिला देवल जरुरी हए । बोरामे बइठके पढेमे बाध्य बनल बच्चासबके नगरपालिकासे मैट,बैग,शैक्षिक सामग्री उपलब्ध करा देवेला कार्यक्रममे सहभागी भेल वक्तासबके जोड रहल ।
निरंजन यादव सञ्चालन कएले कार्यक्रममे नीरज साहके पतिा,माता,लगायत संचारकर्मीसबके सहभागिता रहल रहे ।

spot_imgspot_img
spot_img

लोकप्रिय